Xiana, unha rapaza que detesta os números, vese de súpeto atrapada nun universo matemático. Para saír de aí, deberá enfrontarse ós máis diversos retos, e superar con astucia as probas que lle van xurdindo. Unha divertida historia que pon a proba o inxenio nada máis comezar, posto que o libro está desordenado e haberá que resolver distintos acertixos para dar coa orde correcta. Acompaña a Xiana nesta intrépida aventura e aprenderás cousas das matemáticas, mentres te divertes resolvendo os enigmas.