Sinopsis de Papá Noel existe e voucho demostrar

Kika adora o Nadal, pero este ano algo ameaza con estragar a súa maxia: o seu amigo Martiño asegura que Papá Noel non existe. Decidida a demostrar o contrario, Kika deseña un enxeñoso plan con nada menos que tres trampas para atrapalo!
Unha aventura de nadal chea de risas, amizade e trampas disparatadas para descubrir o maior segredo de todos.
O que semellaba unha trasnada divertida convértese nunha noite tola, chea de fariña, cordas, luces e unha gran sorpresa que deixará pegada…literalmente.
Un conto entrañable, cheo de humor e tenrura, que celebra a imaxinación infantil, o valor de crer e o poder da ilusión compartida.